Hjálp - mig vantar ættarnafn

... það skiptir miklu máli í hvaða röð maður setur orðin þegar talað er eða skrifað...

Það er ekki sama hvort maður segir aumingja Brattur eða Brattur aumingi... 

Annars er ég alltaf að leita mér að eftirnafni... eða svona ættarnafni...

Hef stundum kallað mig Brattur frá Bjarndýraeyju...

.

 

 

.
Þá hefur mér dottið í hug eftirfarandi:

Brattur Steinsnar (sko, ég er nefnilega aldrei langt frá mér)
Brattur Obbosí (sko, segi oft obbosí á morgnana þegar ég fer framúr)
Brattur Bóla (sko, er afkomandi hálfbróður Bóluhjálmars)
Brattur Berjalyng (sko, berjalyng er íslenskt eins og ég)
Brattur Minkabani (sko, einu sinni minnkaði ég flugnabanadós)
Brattur Ronaldo (sko, við höldum báðir með Man.United)
Brattur Tröll (sko, er frá Tröllaskaga)
Brattur Skelfilegi (sko, mig langar oft að vera skelfilegur, en hef ekki náð því ennþá)
Brattur Brúnaþungi (sko, ég er ekki brúnaþungur, bara þungur)
Brattur Brattur (sko, þetta gæti verið flott að heita í höfuðið á sjálfum sér)
Brattur Vatnsþeytari (sko, þeyti frá mér vatninu þegar ég er að synda)
Brattur Hananú (sko, það er gott að segja hananú, þegar maður drekkur te)
Brattur Á (sko, er oft að veiða út í á)

Kæru hlustendur, viljið þið hjálpa mér að velja eitt af þessu... eða þá að koma með tillögu frá ykkur sjálfum...

.

 

Athugasemdir

[Guðný Anna Arnþórsdóttir, 28.3.2008 kl. 22:03]

Ég er með þetta: Von Bratts.

Verður ekki betra, believe me.  

[Gunnar Níelsson, 28.3.2008 kl. 22:10]

Brattur Steinsnar ekki spurning Brattur ! 

[Ragnheiður , 28.3.2008 kl. 22:14]

Brattur von Bratts...vonin sjálf..já líst skást á það, annars er Brattur Á afskaplega passlegt og ekki flókið að muna það (meina fyrir mig sko)

[Anna Einarsdóttir, 28.3.2008 kl. 22:17]

Brattur Bestaskinn Á Morgunoghinn ? 

[Gunnar Helgi Eysteinsson, 28.3.2008 kl. 23:53]

Brattur Bregga

[Brattur, 29.3.2008 kl. 00:03]

Gunnar Helgi, nú skil ég ekki baun, hvað þýðir Bregga?

[edda (IP-tala skráð) 29.3.2008 kl. 00:06]

Hvað um Brattur Bjarti Bóhem eða Brattur sagnaskáld það er eitthvaqð svo íslenskt.

En Brattur Blíðfagri finnst mér hljóma líka afar vel. Eða bara Brattur Brattan.

ej

[Lára Hanna Einarsdóttir, 29.3.2008 kl. 02:07]

Ég er alltaf svag fyrir stuðlum:

Brattur Brennunjáls (sko, voða þjóðlegt)
Brattur Bragarbót (sko, alltaf að bæta fyrir eitthvað)
Brattur Bragðarefur (sko, gæti átt við en kannski ekki)
Brattur Bragðgóði (sko...  Annaaaaa???)
Brattur Brattfugl (sko, brattfugl = lús)  mæli ekki með þessu
Brattur Braukmikli (sko, braukmikill = hávaðasamur)

Hmmm... það myndi hjálpa að þekkja viðfangsefnið betur... 

[Ólöf Ingibjörg Davíðsdóttir, 29.3.2008 kl. 11:33]

Brattur Steinsnar fær stig frá mér, hljómar nógu mikið sem íslenskað, erlent snobb.

Brattur Minkabani hefur áhugaverðustu söguna. Sé nafn þitt fyrir mér í sögubókum grunnskóla í kafla um hvunndagshetjur 21. aldarinnar. 

[Hildur (IP-tala skráð) 30.3.2008 kl. 08:47]

Brattur Steinsnar en þá verður líka að vera tvö rr í endan. Það ku vera gasalega fínt ! svolítið uppskrúfað í endan

Brattur Steinsnarr

[Júdas, 30.3.2008 kl. 09:46]

Bloggeyrar Brattur!   Held að það sé á lausu. 

Hver var þessi Bloggeyrar Brattur?

barnungur fór út í heim,

Ráfað'um ritvöllinn fattur

í rafrænum samskipta geim.

J.I

[Halldór Egill Guðnason, 1.4.2008 kl. 09:41]

Brattur von Selbschwimmerkompetant.