Hundasund

Já, ég var nærri því búinn að yfirgefa þessa jörð um helgina... glímdi við beljandi fljót og hafði betur... sjá HÉR...  það var bara gamla góða hundasundið og Miðbæjarþráinn sem komu til bjargar.

Öðruvísi tilfinning að sigla niður íslenska jökulá í gúmmítuðru, heldur en að ríða Cameldýri nokkrum dögum áður í Sínaí eyðimörkinni...

Ég datt út úr bátnum og hvarf oní bláinn
ég saup slatta af vatni og var nærri dáinn
en ég sparkaði fast í manninn með ljáinn
það skemmdist ekkert nema stóra táin

.

.

Allt er þetta samkvæmt vana, orðum aukið hjá mér... rosalega skemmtileg ferð og gilið sem við sigldum í gegnum ægifagurt... ekkert svo hættulegt að sigla þessa á.

 

Athugasemdir

[Ragnheiður , 27.5.2008 kl. 21:40]

Agalegur angistarsvipur á þessum hundi ! Varstu svona á svipinn Brattur ? Þá er ég ekki hissa þó heilinn í Önnu hafi farið í verkfall !!

[Hrönn Sigurðardóttir, 27.5.2008 kl. 21:47]

....svo hlær maður! Þetta hefur örugglega ekki verið fyndið á meðan á því stóð - en ég segi eins og Ragga - ég er ekki hissa þótt heilinn í Önnu hafi strækað ef þetta var svipurinn sem hún sá......

[Þorsteinn Valur Baldvinsson, 27.5.2008 kl. 21:57]

Gott að skola af sér ferðarykið, en kannski óþarfi að henda sér út í á.

[Brattur, 27.5.2008 kl. 22:44]

Var ég svona á svipinn hmm... þetta er ég....

[Edda Agnarsdóttir, 27.5.2008 kl. 22:48]

Þið eruð nú meiru hrellarnir! Ég á aldrei eftir að þora í rafting!

En ég segi það sama og  næsti fyrir ofan - það er gott að skola af sér rykið.

[Gunnar Helgi Eysteinsson, 28.5.2008 kl. 05:33]

Glæsilegt - Flott mynd af þér Brattur.