Fjallið
4.11.2007 | 10:56
... það getur verið gaman að ferðast um landið á öllum tímum ársins... vegna vinnu minnar er ég mikið á ferðinni og dáist alltaf jafn mikið af litbrigðum himinsins og margbreytilega... í gærmorgun var ég á ferðinni í Húnavatnssýslum.. ský og litir tóku á sig allskonar myndir í morgunsárið... einhvertíma birti ég hér á síðunni ljóðið Fjallið... það kemur hérna aftur, mér fannst það einhvernvegin passa svo vel við þessa mynd...
.
Fjallið
Sjáðu fjallið þarna er það
það er svo hátt þú varla sér það
hirtu ekki um kaldann vindinn
haltu þráðbeint upp á tindinn
Þétt er morgun þokan gráa
Fjallið gerir menn svo smáa
Ekki yfir striti kvarta
Fylgdu alltaf þínu hjarta
Brött er brekkan vörðu grjóti
Öll er leiðin upp í móti
Á grýttu fjalli margur týnist
Það er lengra upp en sýnist
Um kvöld á fjallsins tindi stendur
Horfir yfir höf og lendur
Af þér heitur svitinn bogar
Himinhvolfið allt það logar
Athugasemdir
Mikið er þetta fallegt Brattur
Marta B Helgadóttir, 4.11.2007 kl. 19:42
Þetta er falleg ferðasaga, ég finn angann af svita og þreytu, kannast við tilfinninguna af klífa mis erfiða tinda
Rannveig Margrét Stefánsdóttir (IP-tala skráð) 5.11.2007 kl. 16:12
Flott mynd, flott ljóð. Sannur Brattur
Halldór Egill Guðnason, 5.11.2007 kl. 19:34
þú ert laaaaaaaaaangflottastur Brattur.
Ingibjörg Friðriksdóttir, 5.11.2007 kl. 20:01
Falleg mynd og ljóð ! Vona að allt sé í lagi hjá þér og þínum og við eigum eftir að heyra frá þér þó síðar verði. Skil það manna best að vera í önnum. Er búin að bóka húsið á Ketilási 26. júlí 2008. Vilborg sendir þér fundargerðina í kvöld eða á morgun. Biðjum að heilsa.
Kv. Magga
Hulda Margrét Traustadóttir, 5.11.2007 kl. 20:54
Gull Myndin er flott
Edda Agnarsdóttir, 10.11.2007 kl. 15:22
Fallegt ljóð og mynd.
Halla Rut , 11.11.2007 kl. 01:59
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.