Stjörnurnar mínar

... jæja... tíminn heldur áfram að líða og við sandkornin reynum okkar besta til að njóta þess sem í boði er...ótrúlegt að við skulum yfirleitt eyða tímanum í að þrasa við annað fólk, jafnvel og kannski oftast við fólk sem okkur þykir vænt um... ekki það að ég sé eitthvað betri í þeim málum en aðrir... en mikið held ég að við getum öll horft í eigin barm... og reynt á hverjum degi að hafa það bara ósköp notalegt með þeim sem við elskum... stundum held ég að það sé ótrúlega létt að láta sér líða vel... bara slaka á og njóta...

Stjörnurnar mínar.

Um nóttina gengum við
út í niðdimmt myrkrið  
vissum ekkert hvert
við ætluðum
héldumst í hendur
og dáðumst að
stjörnunum

þær blikuð á
dimmbláum himninum 
eins og þær vildu
vísa okkur veginn

ég horfði í augun þín
stjörnurnar mínar

og var tilbúinn
að fylgja þér
á heimsenda

Athugasemdir

[Halldór Egill Guðnason, 7.10.2007 kl. 02:03]

Fallegt hjá þér Brattur.

[Heiða Þórðar, 7.10.2007 kl. 04:21]

Æi þú ert svo mikið yndi...

[Hulda Margrét Traustadóttir, 7.10.2007 kl. 09:11]

Góður Brattur - svo mikið til í þessu. Að þrasa við annað fólk er tímasóun...og maður verður bara glaður ef manni tekst að forðast það, skil ekki fólk sem lætur það eftir sér að vera alltaf með horn í síðu annara, og nöldra yfir smámunum, þekkjum öll svoleiðis eintök því fólki líður greinilega ekki vel. Sammála þér njótum augnabliksins.

Og alltaf góður í ljóðunum, hvernig er með útgáfuna ?  Magga

[Anna Einarsdóttir, 7.10.2007 kl. 10:44]

Er það nú ekki heldur langur göngutúr ? 

[Brattur, 7.10.2007 kl. 11:12]

Anna, jú hann er langur þessi göngutúr og eins gott að vera í góðum gönguskóm... og svo náttúrulega að hafa góða skapið í bakpokanum...

[Anna Einarsdóttir, 7.10.2007 kl. 11:16]

Arnfinnur kemst ekki, þrammandi á heimsenda, með bakpoka..... ég man hvað góða skapið tók rosalega mikið pláss í töskunni hans.

[Edda Agnarsdóttir, 7.10.2007 kl. 13:42]

Þú og Anna eruð nú meiri krúttin. En ljóðið þitt er ekkert annað en dásemd. Takk fyrir.

[Arnfinnur Bragason, 7.10.2007 kl. 17:23]

Snillingurinn Brattur.... Anna, ég treysti bara á góða ferðafélaga

[Hugarfluga, 7.10.2007 kl. 22:41]

Yndislegt! Svona líður mér nebblega!! Takk, Brattur

[Guðný Anna Arnþórsdóttir, 8.10.2007 kl. 00:12]

Þú hefur sko lög að mæla, Brattur, lög að mæla. Mættum við fá meira að heyra.

[Marta B Helgadóttir, 8.10.2007 kl. 20:38]

Mjög fallegt Brattur.

[Hulda Margrét Traustadóttir, 8.10.2007 kl. 21:33]

Já, þú sem ert svo tilfinningaríkur, kíktu á síðuna mína og sjáðu hvað við mæðgur erum að spjalla um fæðingu litla dóttursonar míns  á laugardaginn s.l.

Svo verð ég að segja þér að " Ég dansa á ný" er seld og fengu færri en vildu.... alveg magnað að stundum gæti maður selt sömu myndina 100 sinnum en hinar haggast ekki......og ljóðið þitt við myndina var frábært !!! Magga

[Jóna Á. Gísladóttir, 13.10.2007 kl. 21:10]

Fallegt er það Brattur